عبد الرحيم منصور
آه ع الغريب اللى مالهش نصيب
اللى مالوش دوا ولا هوا وطبيب
أحمد فؤاد نجم
أنا اتوب عن حبك أنا؟
أنا ليّ ف بعدك هنا
دة انا بترجاك
الله يجازيك
يا شاغلني معاك
وشاغلني عليك
وان غبت سنة
أنا برضه أنا
لا أقدر أنساك
ولا لي غنى
ولا اتوب عن حبك أنا
زي ما يحلالك
زي هواك
سهرني عليك
سهرني معاك
دة انا عمري ما اخاف من هجرك يوم
ولا قلبي بيفرح وانا وياك
وان كان أمل العشاق القرب
أنا أملي ف حبك
هو الحب
فؤاد حداد
يا اهل الأمانة والندى والشوق
يا مجمّعين الشمل في الحضره الزكيّه
أول ما نبدي القول نصلي على النبي
سيّد ولد عدنان رسول الله
سيد حجاب
وينفلت من بين إيدينا الزمان
كأنه سَحبة قوس فى أوتار كمان
سيد حجاب
ويرفرف العمر الجميل الحنون
ويفر، ويفرفر في رفة قانون
وندور، نلف ما بين حقيقة وظنون
ميدو زهير
ولأن خط الميرى أزرق
القلم ف الفصل أزرق..
ختمُه ختم النسر لازرق
واما قال مقلوب وهطفح
ركبوه البوكس لازرق
لبسوه ف السجن أزرق
امير طعيمه
روحي عيني قلبي اللي بيحييني ايامي وسنيني انادي عليك بأيه
طب اقولك يا واحشني ولا اقول يا معيشني قوللي حبيبي و غششني ساعدني هيجرى ايه
يادي الحيرة في اساميك الكتيره بناديك بيها انا بلاقيها اجمل من بعضيها
امير طعيمه
بتوصفني بتكسفني تقول مالك ارد مفيش
و رغم كسوفي صعب اقول ماتوصفنيش
تقول حسن القمر جنبي
يضيع و ما بينا فرق كبير
و خد الورد من خدي بقى بيغير
امير طعيمه
في حضن عنيك لقيت نفسي ..
وهافضل فيك
ده انا طول عمري مستنيك ..
حياتي بحالها ملك ايديك
سنين بتفوت سنين تجري ..
حبيبى هعيش معاك عمري
متبعدنيش عشان خاطري مليش بعديك
عبد الرحيم منصور
أكلم القمر تنورى
أكلم الشجر تزهرى
وفى لحظة الضياع بترحلى