سيد حجاب
حاسس يا دنيا
انك هنا بتنتهي
وبيدبل الحلم الجميل
ابكي يا قلبي هواك
بديع خيرى
الحلوة دى قامت تعجن فى البدرية
والديك بيدن كوكو كوكو فى الفجـرية
يلا بنا على باب الله يا صـنايعية
يجعل صباحك صباح الخير ياسطى عطيـة
صبح الصبح فتاح يا عليم
والجيـب مافهشى ولا مليم
مين فى اليومين دول شاف تلطيـم
زى الصـنايعية المظاليـم
فؤاد قاعود
وريحوني على الشزلونج بهوادة
وبرقة مش في شمايلهم ولا عادة
دا بيحايلني ودي بتحط لي وسادة
قولوا بصراحة حتاكلوني منين ومنين
عبد الرحيم منصور
صلاة النبى ترضى النبى
حصوة فى عينك يالى ما تصلى على النبى
أمين حداد
القرن العشرين
راح يفضل في القرن الواحد والعشرين
وشباب الجامعه حيفضلوا في الأتوبيس
وفي الميكروباس
والحزن اللي دايماً يتقلب لتريقه
وأحياناً لأغنيه
راح يفضل جوه الشخصيه المصريه
وعقلى حيفضل في الحاره الضيقه
والشمس في المعلقه
تنور الشاي في الصباح
وصور المجلات حتفضل متعلقه
عند الجزمجيه
فؤاد قاعود
اغمز جنابك بنابك واحذر الخسران
لتنهبر م الببر والتعلب الكسبان
وتسود عليك القرود والدود والجرذان
صرخت من عزم ما بي صرخة مفزوعة
بديع خيرى
اوعى يمينك اوعى شمالك اوعى الأزمة توقف حالك
اوعى وشك اوعى ضهرك اوعى فوقك اوعى تحتك
اوعى الكوكايين يلحس مخك اوعى سبق الخيل لايطسك
يمينك شمالك اوعى
ياللي ماشيه خطوه خطوه طالعه فيها عامله حلوه
غطي إيدك غطي رجلك غطي وشك غطي صدرك
إوعي تترقصي ف السكه إوعي تقولي لي الا فرانكه
إوعي تتغمزي بعينيكي والناس ملمومين حواليكي
الراجل لو بصبص ليكي إيه ذنبه دا الحق عليكي
نصر الدين ناجي
ادى جامد يا يا صحينى
الشارع زحمة
حارة حارة اكسر حيطه
هد عمارة كتر الدوشه دماغنا روشه
بميت شاكوش
حوش حوش
على الطبلة وانزل بيها
وان انسدت روح ارميها
بشويش يا صحبى الدوشه يلا ما ترحموش
يعنى اعذرنى ما تلومنيش
عايز اغني واكل عيش
صلاح جاهين
كان فيه واد اسمه الشاطر عمرو
وكمان كان فى جدو بشنبات
حسين السيد
الشـــاغل هو المعشـــوق والعاشـــق هو المشغول
والاتنين بالهم ح يروق لو مشيوا زي مانا ما هاقول