جدعان … طيبين
وبقلب أبيض كبير
كلمات غريبه عني
مبسمعهاش كتير
يمكن صادفتني مره
ففلم قديم كتير
أوحتى فيوم قريتها
فميكي أو سمير
كلمات طلعت مهمه
خلتني شخص غير
كانت حياتي فاضيه
جوينت فجوينت فجوينت بطيير
وبوك ع ال فيس بوك
نيو لوك..تفاهه..آي دونت كير
لا عمري كان لي هدف
بس جبت أهداف كتير
فيفا ووينينج إلفين
والجيمز إيفري وير
فين الربايه فين
لأ ربيت شعري الكبير
حددت إيه فحياتك
دقني فقط لاغير
فجأه حلقتلي الدنيا
تقولش أشطر حلاق
وأناإللي مابكيتش عمري
من وقت ماقولت وااء
عشت أيام مش فبالك
زي الجحش فالسباق
عيشت عيشه صعبه ناشفه
عيشه خلت خلقي ضاق
إتبهدلت إتعذبت
قالوا عني خلاص حموت
إتهزقت و إستحملت
برضواقالوا أنا شاب تووت
لحد ما عشت أنا وسط شله
وقفو جنبي بدون شروط
وطلعو ناس كده مإللي هي
دوغري دي فقلبك تفوت
جدعان … وميه ميه
جدعان بجد تووووت
وقلوبهم بيضه صافيه
حقيقي جامده مووت
ونفوسهم برضه أغلى
مالدهب ومن الياقوت
مليانه حسن نيه
وكرامه بدون حدود
ومحبه من إللي هيه
بتعمر البيوت
جدعان … طيبين
وبقلب أبيض كبير
جدعان وميه ميه
وقلوبهم فيها خير
معاهم شفت طيبه
وشوفت كل خير
وبقيت شخص تاني
بشوف الدنيا غير
ميهمش إنت مين
هو إفر آي دونت كير
لولابس دبله فالصو
أو خاتم سوليتير
مولود فقلب حاره
أوكنت إبن وزير
لو تشرب معدنيه
أو جنب بيتكو زير
أو بتسقع فقله
أو جوه فريجيدير
نايم بمخده ريش
أو نايم عالحصير
تمشي فنادي الجزيره
بلابرادورك الخطير
أو غيه بغدادليه
بأنواع حمام كتير
زاجل أو كان مراسله
شقلباظ يقلب يطير
كركندي عبسي مصري
وكشاكوا بطراطير
بتقسط كل حاجه
أو كان كاشك وفير
بتضرب كورس ديكا
أو هرمونات كتير
منفض للرياضه
بكروسات و صراصير
لو تاكل توست ماركه
أغلى من دستة فطير
أو تاكل المدعم
فطابور مالوش نظير
لو أبيض شق لفت
أو إسود فحم كير
لو أقرع زلبطه
أوشعر أفرو غزير
عندك عربيه كارو
أو عربيه و شوفير
أوكنت بتحكي عربي
أو تحكي لغات كتير
بتسمع باند غربي
أو طبل وزمامير
لو كنت ده أو ده
وفلحظه أنا فيها فير
دي أهم حاجه فيكو
وبقولها إيفري وير
جدعان … طيبين
وبقلب أبيض كبير
جدعان وميه ميه
وقلوبهم فيها خير
والجدعنه مش هتاف
ولا بهز الكتاف
مش فقر ولاغنا
لأ طالعه من قلبنا
و مقويها حبنا
وخوفنا على بعضنا
قوللي أحلفلك بإيه
ولا ليك عليا يمين
دي الناس هنا يابني ناس
جدعان و طيبين
ده طبع والله فيهم
يساعدو المظلومين
مايهونش أبدا عليهم
يشوفو مجروحين
يعني المهم قلبك
يكون عمران بخير
وتساعد إللي جنبك
غني أوكان فقير
وتوريهم جدعنتك
وأصلك الكبير
دي الجدعنه يابني كلمه
شامله حاجات كتير
جدعان … طيبين
وبقلب أبيض كبير
جدعان وميه ميه
وقلوبهم فيها خير
