صابر كمال

ملطشة القلوب

صابر كمال

على فين العزم إن شاالله ؟! .. وإيه اللي قطعلك نومة؟

ده لولاش الستر من الله .. مكانتش قامت لك قومة

لسة لك عين تدوب؟ .. مانتاش عايز تتوب؟

ده البر ماهوش أمان

والعشق مالوش ضمان

ده رهان على حدف طوب

ونشانك سهمه خايب

يا ملطشة القلوب .. يا جلاب المصايب

هتقولي ايه هُس يجيك أوا

دخلك منين سرسوب الهوى

هتروح يومين وتجيلي جريح

تقولي دبَّر حق الدوا

دواك فضّى الجيوب .. وخلى الناس تعايب

يا ملطشة القلوب .. يا جلاب المصايب

مش كنا قولنا مفيش من كذا!!

فُتنا الغرام ونصبنا العزا

رجعت تاني ف عهدك ليه؟ هي القلوب كييفة أذى!

ده الكدب أبو العيوب

يا مُهر وحبله سايب

يا ملطشة القلوب .. يا جلاب المصايب

لسة لك عين تدوب؟ .. مانتاش عايز تتوب؟

ده البر ماهوش أمان

والعشق مالوش ضمان

ده رهان على حدف طوب

ونشانك سهمه خايب

يا ملطشة القلوب .. يا جلاب المصايب

آخر الإضافات
خالد الفيصل
انت فين والحب فين

خالد الفيصل

أبيوسف
ودي

أبيوسف

مرسي جميل عزيز
سيره الحب

مرسي جميل عزيز

أبيوسف
نا نا نا

أبيوسف

فؤاد قاعود
الأسد

فؤاد قاعود

حسين السيد
حاجه غريبه

حسين السيد