أهل الهوى يا ليل فاتوا مضاجعهم
واتجمعوا يا ليل صحبه وأنا معهم
يطـولوك يا ليل من اللي بيهم
وأنت يا ليل بس اللي عالم بيهم
فيهـم كسير القلب
و لم يتكلـم
واللي قعد بعد الحبايب وحده
وبات حزين بشكي هيامه ووجده
يشكوا ولا مخلوق سمع شكواهـم
إلا الكواكب في السماء سمعاهـم
يطولوك يا ليل بالسهد والأفكار
والشمس بعد الليل تطلع عليهـم نار
وبعد طول الويل تطلع لهم يا ليل
ويقصروك يا ليل في صحبه هنيه
على وتـر رنان للصبحية
فيهم يا ليل خل عطف خله
ويقول له لحن الشوق وخله يقول له
يا ليل .. .يا ليل … ياليل … ياليل
ويقصروك ياليل على هنا وسـرور
والشمس بعد الليل تطلع عليهم نار نور
ويسألوك يا ليل أمتى تعود يا ليل
ناس من قلوبها تقول يا ليـل
وناس على الأرغول تقول يا ليـل
واحنا معانا بـدر طالع في ليلة قدر
فيها حبيب القلـب وافى و وافى النذر
هو يقول يا ليل واحنا نقول يا ليـل
وكلنا بنقـول يا ليل يا ليـل
