حبيب قلبي وافاني في ميعاده ونوّل بعد ما طول بعاده

حبيب قلبي قابلني وهو متبسـم وطمني على وصله

وقال لي بعد ما سلّم كـلام القلب يرقص له

بقى يقول لي وأنا أقول له وخلصنا الكلام كله

يقول لي اد إيه حبّك أقـول له فوق ما تتصور

وأقول له خايف لتنساني يقول لي مستحيل اقدر

بقى يقول لي وأنا أقول له وخلّصنا الكلام كله

قريب وبعيد وبقينا نـقول ونعيد بعينينا

عيون لعيون تتكلم بسر القلب وتترجم

وروح مع روح تتجانس

وأيد على أيد بتسـلم

بتسلم سـلام مشتاق

نسينا الدنيا ولهينا في هوانا وطرنا وعلينا

لا عواذل واقفة حوالينا ولا ذنب يتعدى علينا

سكوت وسكون وإيه حيكون

ما فيش غير النجوم تضوي ولا غير القمر ناظر

ولا غير الغصون تهمس ولا غير النسـيم عابر

وأنا في دي النعيم هايم

لقيت منام وحلم وراح مع الأحلام

ياريته دام ودام نـومي كده أعوام

وأنا وهو في دي النشوة

نعيش في سلام ولو في منام