ياطول عـذابى وأشتياقى مابين بعادك والتلاقى
ياما غالبت الشوق وشكيت من طول غيابك عن عينى
أقول لقلبي و ليه الشوق مادام ح يعطف ويجينى
أصبر مع الأيام تتحقق الأحلام
سـاعتها تنسى ليالى النوح واخاف الوقت يروح منى
من غير ما أقول له ع اللى قاسيت أيام ماكان غايب عنى
ووقتها تحتار أى الضنى تختار
بعد الحـبيب ولو انه يطول وانت ياقلبى كلك أمانى
والا لقاه والصبر قليل والعمر يجرى سـاعة التداني
قابلته بعد الغياب وكان سلامى عتاب
وبعد ماتملت عينى طال السكوت بينه وبينى
بدى أقول له على اللى ضنانى والعين تدله عن طول هوانى
سكت عن شكوى الهجران وحيرة القلب الولهان
وقلت أصور له هناي سـاعة ماأشوفه وياي
جيت أتكلم قلبى اتألم
لما عرض طيف البعاد قدام عيني
لا قدرت أقول بعده ضنانى ولا قلت قربه هنانى
وفضلت من شدة حبي حاير ذليل اسـأل قلبي
بعد الحبيب ولو انه يطول وانت يا قلبي كلك أماني
والا لقاه والصبر قليل والعمر يجرى ساعة التداني
