حي على بلدنا
يا مجاور ألف ماده
و رزقك بالحلال
البنا فى العلالي
و السقا اللى ملالي
من النيل الزلال
بيقولوا الحق طامع
فى كل فجر طالع
لما يشد الحبال
تنشد معاه ولادنا
حي على بلادنا
يا مجاور الف ماده
و رزقك بالحلال
و اللى تعزه القناعة
و اللى فى ايده صناعه
تغنية عن السؤال
و الشيخ يعرف كتابه
رحيم على اللى تابوا
و يقول العبد قال
على الله اعتمادنا
حي على بلدنا
يا مجاور الف مادنه
و رزقك بالحلال
و الساعد اللى ساعد
المكسور اللى قاعد
على باب الآمال
كان فارس فى حمانا
و بيشيل الأمانه
اللى تهد الجبال
بيقول واصل جهادنا
حي على بلدنا
يا مجاور الف مادنه
و رزقك بالحلال
و بساط المشربية
فى الريح تمشي بيه
كان حلم و كان خيال
كان الزاد اللى ألهم
ابن الفارض و الأدهم
فى مطلب الكمال
استشهدنا و شهدنا
حي على بلدنا
يا مجاور ألف مادنه
و رزقك بالحلال