ع الستات ياسلام سلم مفيش كده ابدا بهجة

ده احنا الوارثين يافندم ضاربين الدنيا طبنجة

ياحبيبتي دي ثروتي طارت ايه اللى جرالي معرفشي

ودي ساعة الحظ إن راحت ابدا ماتتعوضشي

كل الأطيان لو راحت فى نظرة مانستخسرش

نعرف جغرافيا ونحوي وحساب وحاجات تراللي

خمسة فى تسعة بستاشر وباريس فى الوجه القبلي

بونجورنو ده فعل مضارع مفتوح على البحري تمللي

ودي صنعة هنري التاسع شيخ حارة فى المتولي

ابجد هوز معناها بالتركي ابقى قابلني

كده ولا بلاش يامدارس دي بلدنا بقت منخوليا

يكفانا بس نعيرها قال ايه عاملين بكالوريا

والواحدة فى طبخة نابت عايزة لها سبع الكخيا

مابدال التكنولوجيا يدوهم طبخالوجيا

وكلها لهجة لوجيا وأمور أونطالوجيا

ده كلام ملاحيس مايهمش ماتتمسخرش علينا

إن شاء الله محدش حوش دي الفلوس فى رجلينا

بنغني ونرقص بولكا ومزوركا ونسكر طينة

نلعب بوكر ونبقشش دي الجنيهات ملو ايدينا

إن راحت أطيان بابا البركة فى صيغة نينه