قوم يا مصرى مصر دايما بتناديك

خد بنصرى نصرى دين واجب عليك

يوم ما سعدى راح هدر قدام عينيك

عد لى مجدى اللى ضيعته بأيديك

شوف جدودك فى قبورهم ليل نهار

من جمودك كل عضمة بتستجار

صون أثارك ياللى دنست الاثار

دول فاتولك مجد و أنت فوت عار

شوفت اى بلاد يا مصرى فى الجمال

تيجى زى بلادك اللى ترابها مال

نيلها جى السعد منه حلال زلال

كل حى يفوز برزقه عيشته عال

يوم مبارك تم لك فيه السعود

حب جارك قبل ما تحب الوجود

ايه نصارى و مسلمين قال ايه و يهود

دى العبارة نسل واحد مـ الجدود

ليه يا مصرى كل أحوالك عجب

تشكى فقرك و أنت ماشى فوق دهب

مصر جنة طول ما فيها أنت يا نيل

عمر أبنك لم يعيش أبدا ذليل

يوم مبارك تم لك فيه السعود

حب جارك قبل ما تحب الوجود

ايه نصارى و مسلمين قال ايه و يهود

دى العبارة نسل واحد مـ الجدود