هز الهلال ياسيد كراماتك لاجل نعيد
يكفى اللى حصل كام يوم ووصل بقى زرع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوّم له قومة
حد الله مابيني وبينك غير حب الوطن ياحكومة
عشرين يوم راحوا علينا ان شالله ياخدوا عينينا
بس المقصود يبقى لنا وجود والدنيا تعود
ياما شفنا م الستات طلعوا وعملوا مظاهرات
والكناسين رخرين راسهم وألف مقشة
مايكنسوا بس كنسة ولا يرشو رشة
والصنايعية راحم جايبين ضلفة أحسن ورشة
الغلب اللى شاربينه ياريت العالم شايفينه
دي ماهيه إيه الكام جنيه ياخواتي برّيه
من خمسة منه تروح وبقيته أقول ابّوح
وبسلامتها الست بتاعتي ماتتوصاشي
ولا تولدليش فى البطن إلا اتنين كده ع الماشي
وييجي الجزار والخضري والبقال يلعنوا ابو خاشي
مستخدمي الأيام دي ذمة مفيش أحسن من دي
بليسانسيهات وبدبلومات يرطنوا بلغات
في الشغل ياسيدنا البيه تمانين مايجيبوا أيديه
مفيش إنا أسفأناكم زي مانت راسي
ماحناش حبة بلاليص حاطينها فوق الكراسي
بكرة المولى يعدلها وفي الدنيا عمرك ما تقاسي
هز الهلال ياسيد كراماتك لاجل نعيد
يكفى اللى حصل كام يوم ووصل بقى زرع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوّم له قومة
حد الله مابيني وبينك غير حب الوطن ياحكومة