أنا فى انتظارك خليت، ناري فى ضلوعي وحطِّيت

إيدي على خدِّي وعدِّيت، بالثانية غيابك ولا جيت

يا ريت يا ريت يا ريت يا ريت يا ريت يارتني

ياريتني.. يا ريتني عمري ما حبيت

عايزة اعرف لا تكون غضبان، او شاغل قلبك انسان

خليتني من يأسي أقول، الغيبة دي تغيب على طول

واتفكّر إيه اللى جنيت، من ذنبِ يسيئك ما لقيت

يا ريت يا ريت يا ريت يا ريت يا ريت يارتني

ياريتني.. يا ريتني عمري ما حبيت

اتقلب على جمر النار، واتشرد ويَّا الافكار

النسمة، أحسبها خطاك .. والهمسة أحسبها لقاك

على كده أصبحت وأمسيت، وشافوني وقالوا اتجنيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

توعدني بسنين وأيَّام، وتجيني بحجج وكلام

وتسلِّم وتمرِّ قوام او تخلف وتقول لي نسيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت