“جدع معـلـم قال لخـالـتـك ام هلال

شوفي لنـا بنـت حـلال تكـون لطيفـة و عال

بنـات كتيـر حلويـن عنـد اهلهـم قاعـديـن

ما بين طبيـخ و عجيـن و بخـتـهـم بـطال

عايزهـا لحـم فصـوص مش عود قصب ممصوص

و محربقـه بعصعوص و عامله روحهـا غـزال

عايـز قوام يتـهـز إن دزيـتـيـه يـندز

و ف كـل مفصـل حـز يـفـكـرك بهـلال

عايـز نتايـه صحـيـح من ربـع شمـع تسيـح

مهـوش بشكل قبـيـح لـكـن بذوق و دلال

عنـدك بنـات جمالات مقلوظيـن نـتـايـات

و دمـهـم شـربـات يسكـر نسـا و رجال

تحققـي فـي الـزيـن البنـت ترخـي العـيـن

دي مهـرهـا ألـفـيـن أحطهـم في الـحـال

أما اللي عاملـة سبـور و جدها بـلـفـور

و عايـزه واد دكتـور خسـارة فيهـا ريال

و لا اللـي عامـلـة إياه و شعـرهـا قـصاه

و بأكسجيـن صابـغـاه دي تجـلـب الإسـهـال

و ان جبتي واحده بكرش من الحمير مـا تغيـرش

مانيش واخدهـا بقرش و احـط فوقـهـا شـوال”