اسمع حكاية بعدها هأهأ
زهر الملوك في الولد أهو طأطأ
مالناش قرون كنا نقول مأ مأ
وناكل البرسيم بالقفة
سلطان بلدنا حرمته جابت
ولد وقال سموه بفاروق
فاروق فارقنا امال بلا نيلة
دي مصر مش عايزالها رذيلة
دي عيشة بالقوة وبالتيلة
ومين بقى يلحس دي التفة
يا داية ليه مانتيش حداية
خدتيه ورحتي على الجبلاية
جبتي لنا خبره وتنك جاية
ندق لك في البيت الزفة
يا عزرائيل اخلص بقى تاوي
ناقص سوا وديه عالنار
وخد كمان جوليا قطاوى
ياما الزمان كشف أسرار