يا اهل المغنى دماغنا وجعنا
دقيقه سكوت لله
داحنا شبعنا كلام ماله معنى
ياليل وياعين ويااّه
طلعت موضه غصون وبلابل
شابط فيها حزين
شاكى وباكى وقال موش عارف
يشكى ويبكى لمين
واللى جابت له الداء والكافيه
طرشه ماهش سامعاه
يااهل المغنى دماغنا وجعنا
دقيقه سكوت لله
ردى عليه ياطيور بينادى
وارمى له الجناجين
وانت كمان يابور الوادى
قل له رايح على فين
قل له اياك يرتاح يابابـوره
ويريحنا معاه
ياهل المغنى دماغنا وجعنا
دقيقه سكوت لله
كل جدع فرحان بشبابه
يقول فى عنيه دمـوع
ياللى جلبتى شقاه وعذابه
حلّى لنا الموضوع
طالع نازل يلقى عـوازل
واقفه بتستناه
ياهل المغنى دماغنا وجعنا
دقيقه سكوت لله
حافضين عشره اتناشر كلمه
نقل من الجـورنال
شوق وحنين وأمل وأمانى
وصد وتيـه ودلال
واللى اتعـاد ينزاد ياخوانا
وليل ونهار هـوّاه
ياهل المغنى دماغنا وجعنـا
دقيقه سكوت لله