بالأحضان خدينا لا نسيتى ولا نسينا
يا بوابة النور يا طاهرة وعنينا
حبات عقدى كملت برجوعك يا سينا
برجوعك يا سينا
مسيكى بالخير يا ننى العين وحشتينا
صبرنا كتير سنين وسنين وحشتينا
وحشتى بلادك وحشتى ولادك
ويجى ميعادك بالأفراح تلاقينا
برجوعك يا سينا
مسيكى بالخير يا زهرة بريئة برية
يا كل الخير يا شمس الليل يامصرية
سهرنا وجاهدنا وقفنا وعاندنا
ورجعتى بإيدينا تتنسمى حرية
برجوعك يا سينا
مسيكى بالخير يا أرضى يا غالية بكرية
يا حضنى الكبير يا حكمة ونور مضوية
عيونك فيروز وقلبك كنوز
يا بخت اللى يفوز بقربك يا غالية
برجوعك يا سينا