يا بحراوية يا بحراوية شباك رموشك راميين عليا
ده انا قلبى مرسى ومعداوية يا بحراوية
شغلتنى العيون ما لاقيت أحلى من عينيكى
وطويتنى الأيدين ما لاقيت أصبى من إيديكى
واخدة سحر الصبايا وماليش غيرك حكاية
وانا اللى تاه مدارى جايلك على هوايا
من لياليا من غناويا بغزلك مناديل حنية
ده انا قلبى مرسى ومعداوية يا بحراوية
مدور مدور مدور عود الحليوة مدور
قمر بضفيرة سمرا سواه الهوا
داريته من الليالى طاب ع العود وأستوى
قلبى من الفرحة طاير علشانه لقى الحبايب
صندوق الدنيا شوقى فيه السبع عجايب
من لياليا من غناويا بغزلك مناديل حنية
ده انا قلبى مرسى ومعداوية يا بحراوية
يا أول الطريق يا آخر الطريق
يا حنين العمر بحاله قلبى زهر مواله
أبنيلك قصر عالى ينور الليالى
وألف الدنيا بيكى وما يغلى عليكى خالى
من لياليا من غناويا بغزلك مناديل حنية
ده انا قلبى مرسى ومعداوية يا بحراوية