حبينا وأتحبينا
بعد ما قلنا الزمان دوبنا فى الأحزان
بالحب أتلاقينا
والفرحة رجعت لينا والدمع خلاص نسينا
يا حلاوة الحب آه وحبيبى وأنا وياه
بنسى العالم ده كله من اللهفة بقول الله
الله الله يا حلاوة الآه لما يقولها ونقولها معاه
وردية الدنيا لسة دايبة وياه فى همسة
طايرة وياه فى نسمة ومسافرة للسما
حوالينا كتير حبايب ولا حد منهم غايب
فيهم غربا وقرايب بيباركلونا الهنا
يا حلاوة الحب آه وحبيبى وأنا وياه
بنسى العالم ده كله من اللهفة بقول الله
الله الله يا حلاوة الآه لما يقولها ونقولها معاه
اهلاً حبى الجديد اهلاً يا أحلى عيد
دقيت بابى المواعيد وفتحنا قلبنا
قادت شمعتنا لينا قادت شمعة ليالينا
ضحك الدمع فى عنينا
وكأننا أتلاقينا زمان من صغرنا
يا حلاوة الحب آه وحبيبى وأنا وياه
بنسى العالم ده كله من اللهفة بقول الله
الله الله يا حلاوة الآه لما يقولها ونقولها معاه
يا رحلة متنتهيش يا حلاوة متتنسيش
نفسى أموت وأعيش فى دنيته أنا
نظرة عينى تدفيه وبكل الشوق أسقيه
وأزرع نفسى فى لياليه نجوم ملونة
يا حلاوة الحب آه وحبيبى وأنا وياه
بنسى العالم ده كله من اللهفة بقول الله
الله الله يا حلاوة الآه لما يقولها ونقولها معاه
