قضينا الليالى بندور على الغالى وآدى سنين ماشين

دقينا الأبواب نسأل على الأحباب بس طريقهم فين

واخدانا الليالى بحر الهوى عالى توهنا التيار

آه يا ليل يا قاسى ماشى ولا راسى ده الشراع محتار

ده احنا مش داريين من نار الحنين والشوق القتال

فين المرسى فين والله مشتاقين لصوت الموال

يا صوت التنهيد يا جاى من بعيد شيلنى على الجناح

وديتنا أيام وجابتنا أيام والمسا صباح

ده شراع ده مشتاق بين لقى وفراق والمرسى نسينا

لينا الحب لينا لو تاهت خطاوينا وبكيت عنينا

ياللى بتعشقونا مدوا أيديكوا لينا من بر السلامة

خدونا وياكوا نتنسم هواكوا فى ضل إبتسامة

نبكى أيوا معاكوا نفرح أيوا معاكوا بس مش وحدينا

توهنا الغرام يا حبايب حرام مدوا أيديكوا لينا