يجى زمان ويروح زمان
ولكل زمان حكاية ولكل حكاية لسان
ولكل لسان طريقة يقول بيها الحقيقة
أصل الحقيقة واحد حكاية الإنسان
يمكن ناس قبلنا يمكن ناس بعدنا
يحكوا نفس الحكاية
واحنا حكايتنا طالعة من صدق قلبنا
تشبه صوابع اليد مالهاش شبه بحد
وايه هى الحكاية وايه هى الحقيقة
مارد وفارد فى الجبل طوله
ما حد داق عذابه ولا حد قال قوله
عيونه عيون الصقر كلامه كلام الشعر
وقلبه يا قلب الفجر
على حصانه بيرمح فوق جبال الصبر
فتى الفتيان أبو الفرسان
وكله أيمان وفاتح قلبه للدنيا
وواخد أهله بالأحضان
أصل الولد شاعر جواه عذاب واعر
مشواره للآخر مر وقاسى وصعيب