عبد الرحيم منصور

يا أبو الغيطان

عبد الرحيم منصور

يا أبو الغيطان يا زينة العيلة

قلبى معاك يغنى هيلا هيلا

وانت هناك فى الغيط وبتشمر

قلبى عليك يا شايل الشيلة

هيلا هيلا هيلا هيلا

قلبى عليك قلبى على المشوار

يا بختها الغيطان يا فرحتها

يا أبو الغيطان قلبى عليك غيار

والشمس راخية عليك طرحتها

أمشى يا زين الدار يا حاميها

خليك فى شرد السكة فى الضلة

وفى رجعتك خليك فى غربيها

تلاقينى مستنية بالقلة

واخد عيونى معاك وفراقك انت صعيب

خوفى حلاوة الغيط لأتشغلك وتغيب

قلبى عليك يا شايل الشيلة

بس القمر يا حبيبى انا بهواه

بيرجعك وينور المشوار

محلاك يا أسمر وانت جاى معاه

داخلين سوا ومنورين لى الدار

الحنة فى أيديا والفرحة فى عينيا

أمسح عرق أسمر على خدك

ده الخير جناين طارحة من يدك

تيجى يا نور العين يا أبو طاقية

ده الخير جناين طارحة من يدك

ونروق لبعضينا ونروق ليالينا

وأسهارنا حوالينا بيقولوا يا حليلا

قلبى عليك يا شايل الشيلة

آخر الإضافات
بيرم التونسي
غني لي شويه شويه

بيرم التونسي

فؤاد قاعود
بكائية النسر

فؤاد قاعود

[أبيوسف أبو الأنوار]
اظبط

[أبيوسف أبو الأنوار]

محمود الماحي
الفجر الجديد

محمود الماحي

أبيوسف
معتز

أبيوسف