يا عزيز عينى أفديكى بالدم يا بلدى
بلدى يا بلدى أوهبلك عمرى وولدى
أعرفهم واحد واحد أعرفهم واحدة واحدة
تعرفهم ليالينا تعرفهم غيطانا
وبتعرفهم سينا ودنشواى وقنالنا
بعرفهم فى عيون أبويا وإخواتى وأمى
وبشوفهم فى صدور الناس زى النار يا عمى
يا بحر الشدايد والله طارنا قايد
هانعديك رفاقة مهما كنت زايد
يا عزيز عينى أفديكى بالدم يا بلدى
بلدى يا بلدى أوهبلك عمرى وولدى
فى ضى الحقايق عرفنا الرفايق وشوفنا الطريق
هيلا هيلا يا بلديا بلادنا أهي
تحت الضرب رجال متخافش الرجال
هيلا هيلا يا بلديا بلادنا أهي
ده بر السلامة بنيتله علامة
هيلا هيلا يا بلديا بلادنا أهي
يا عينى يا ولدى تدفى يا بلدى فى أيدينا قوية
وهيلا هيلا ع النبى صلى
أسهرلك أمشيلك وبقلبى أغنيلك
من قبل ما بتشاورى أجرى عليكى وأجيلك
خدينى زفينى خدينى الحرب بتشجينى
أستشهد على صدرك وتعيشى يا نور عينى
يا بحر الشدايد والله طارنا قايد
هانعديك رفاقة مهما كنت زايد
يا عزيز عينى أفديكى بالدم يا بلدى
بلدى يا بلدى أوهبلك عمرى وولدى