القمر يشوف ودنها يعمل حلق
يشوف حلقها يعمل ودان
مين اللي بيحس بالقلق
المروحة ولّا الفستان؟
مجنونه.. مين قال؟
باتكلم.. مين قال؟
باتحرك.. مين قال؟
أنا عاقلة أنا قاعدة
بس سايبة من النهارده
قلبي عند ابن الحلال
مجنونة.. مين قال؟..
والعجيبة الناس يجوني
والعوازل يسألوني
اللي بينور عيوني
هي دي عايزة سؤال
مجنونة مين قال؟
واللي ساب قلبه معايا
خبروني يا صبايا
كنت شفته في المراية
ولا شفته في الخيال
مجنونة.. مين قال؟
كل شوق الدنيا عندي
حط إيدي على خدي
راح يجيب ولّا يودي
الفراق ولّا الوصال
مجنونة.. مين قال؟..
والعرايس رايحة جاية
تسأل الدنيا عليّا
والغريب شاف في عينيه
بنت عم وبنت خال
مجنونة.. مين قال؟..
كل يوم شمسه تغيب
والقمر ساكن قريب
كل مولد وأنت طيب
وافتكر حسي اللي قال
مجنونة.. مين قال؟