الكوتشي اللي باش

م اللف ف شوارعك

يحرم عليه

يبوس ارض غيرك

والقلب القماش

اللي مكوي بعمايلك

لساه معبق

بريحة عبيرك

والواد اللي عاش

طول عمره يحايلك

ونفسه اسمه

ييجي في رسايلك

وتبعتيله تطمنيه

ان انتي عارفة

ان انتي ليه

وان انتي قايمة ونايمة بيه

وقت الشتا يتدفي بيكي

ووقت الخطر تتحامي فيه

وساعة اما بيقسي عليكي

وساعة اما بتدعي عليه

محدش فيكوا بيهنالوا بال

واول ما تصفي تفكي الريال

وتروحي تجيبيلوا كوتشي بدال

الكوتشي اللي باش”