ضايع مني إزازة المية ،
ومش راضية الطيارة تطير ،
راح الصبر ورجع الصبر
وتعب القلب ولسه كتيييير …
آه يا تي شيرت العمر يا ابيض
لفيت بيك مشواير مشاوير …
أملك صورة أنا فيها صغير
شكلي اتغير معرفتوش…
كان في جيوبي مكعب سكر
داب السكر ملقيتهوش…
وأما اتقطعت…
مني الساعة…
وقع الوقت لقيتني كبير…
أعرف واحد قال لواحد
اجرح صاحبك واقسى عليه…
وواحد قال للواحد نفسه
إنت مزعل صاحبك ليه…
وواحد حاول يعرف واحد
طلع الواحد صفر كبير
