أحمد فؤاد نجم
النيل عطشان يا صبايا
للحب والحنين
والشط
لانور
ولا نسمه
ولا ناي
ولا عود يا سمين
يا شاهنده وخبرينا
يا ام الصوت الحزين
يا ام العيون جناين
يرمح فيها الهجين
ايش لون سجن القناطر
ايش لون السجانين
ايش لون الصحبه معاكي
نّوار البساتين
كلك محابيس يا بلدنا
وهدومك
زنازين
وغيطانك الوسايع
ضاقت ع الفلاحين
والدخان في المداخن
لون هم الشغالين
أحمد فؤاد نجم
شيلي البارود
حطي الوعود
والتعليلات
في المهملات
سفحوا الورود
من ع الخدود
والخضره
من قلب البنات
فين الأمان
جنب الغيلان
يا ملفقين
عصر التبات ؟
لا الجرح بات
ولا إتنسي
ولا التاريخ
والذكريات
أحمد فؤاد نجم
يا ليل يا عين ما اعرفش اكدب
طب و اكدب ليه
عدم المؤاخذة
لنا باكتب
و لا أبصر إيه
لا انا احترافي اشتراكية
و لا عندي نزعة رجعيّة
أحمد فؤاد نجم
بَستنظرك … رغم القساوة ف منظرك …
بَستنظرك … رغم الشتا … والبرد والرعد المخيف …
بَستنظرك … ف الشارع المشغول بأوحال الرصيف …
أنا أصلي حاسب موعدك … وعارف اللي بيبعدك …
وأنا اللي خابر تبقي مين … وأنا اللي صابر من سنين …
وبعدّلك بالثانية عمري واعدّلك … مطرح ف بستان الأمل …
وبَمدّلك وف كلّ خطوة أمدّ لك … ايدي اللي شققها العمل …
مدّي الخطاوي يا حبيبيتي … وقدّمي …
أحمد فؤاد نجم
ناح النواح و النواحة
على بقرة حاحا النطاحة
و البقرة حلوب .. تحلب قنطار
لكن مسلوب .. من أهل الدار
و الدار بصحاب .. و حدعشر باب (11 باب )
غير السراديب .. و بحور الديب
و غيلان الدار .. واقفين بنهار
و ف يوم معلوم … عملوها الروم
زقوا الترباس … هِربوا الحراس
دخلوا الخواجات .. شفطوا اللبنات
و البقرة تنادي .. و تقول يا ولادي
و ولاد الشوم … رايحين ف النوم
أحمد فؤاد نجم
يابلح ابريم يا سمارة
سواك الهوي ف العالي
هويت
على طمى النيل ياسمارة
وشربت عكار
لما استكفيت
بس احلويت قوي يا سمارة
لما اسمريت قوي ياسمارة
لفيت الشارع و الحارة
على زى نقاوتك فين
ما لقيت
يا حلاوة بنار
أحمد فؤاد نجم
بوتيكات النات كوا النَّات
وشقق مفروشه وعمولات
يا حلاوه الناوه كوا الناوه
يا بلدنا يا آخر فتاكات
بوتيكات النات كوا النات
** شبيك لبيك فتح مخط
لبيك شبيك غمض عينك
حتقفّل مخك ح نطخك
ونلوشك لو تفتح عينك
ركب قرنين تركب مازدا
وتعيش سلطان في البرواز دا
مش عاجبك فالجبنه الفازده
والعيش والفول والكرَّات
يا حلاوه الناوه كوا الناوه
يا بلدنا يا آخر فتاكات
بوتيكات النات كوا النَّات
مين فيكوا ما يعرفش عليوه
شيّال المنيا الكحيان
في ثواني اتمول واتحول
بقي مسيو عليوه عليَّان
إزاي؟
أحمد فؤاد نجم
الاسم : صابر
التهمه : مصري
السن : اجهل اهل عصري
لرغم انسدال الشيب ضفاير
من شوشتى
لما لتحت خضري
المهنه : وارث
عن جدودي
والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
أحمد فؤاد نجم
شوف عندك يا سلاملم
واتفرج يا سلام
مواطن
شخص عادي
مالوش أي اهتمام
ومبارك الخيانه
ومسميها السلام
وف يوم قرا الجرايد
تاريخ ما اعرفش كام
من يومها يا ضنايا
بيشقلب فى الكلام
واتفرج يا سلاملم
على شقلب يا سلام
أحمد فؤاد نجم
جيفارا مات
جيفارا مات
آخر خبر فِ الراديوهات
و فِ الكنايس
و الجوامع
و فِ الحواري
و الشوارع
و عَ القهاوي و َ البارات
جيفارا مات
جيفارا مات
و اتمد حبل الداردشة و التعليقات