أحمد فؤاد نجم
مٌر الكلام
مٌر الكلام
زي الحسام
يقطع مكان ما يمر
اما المديح سهل ومريح
يخدع صحيح ويغٌر
والكلمة دين
أحمد فؤاد نجم
مرحبا
بعد السلام والمرحبا
يا اولاد بلدنا يا طيبين
نفرش كلام المصطبة
واضح لكل السامعين
مصر الحبيبة الطيبة
أم البنية (بتشديد الياء) والبنين
ايش حالها في عز الصبا
ايش حال ولادها المخلصين
وسط العواصف مركبة (سفينة)
بين ريح شمال وريح يمين
جابوا الطبيب ابن الحلال
كشف مكان الداء وشاف وقال
أهل البصيرة في البلد
جواب لكل السائلين
أحمد فؤاد نجم
مقدمة أبو العلا 90
الكورس _ سافر غريب الدار
مشوار ورا مشوار
بلد الحبايب .. فين ؟
تاه السؤال واحتار
المغني _ ومشيت كتير ورأيت
ناس ع الطريق ضايعين
ورجعت تاني لقيت
ناس ع الطريق راجعين
وعملت قلبي سبيل
يهدي الحيارى
أحمد فؤاد نجم
مقدمة حضرة المتهم ابي
نازل وانا ماشي ع الشوك برجليا
وانت السبب يابا ياللي خليت بيا
لا فرشت لي بستان ولا حتي بر امان
اعيش عليه انسان والدنيا في ايديا
وانا لما جيت من الغيب العدل كان كيفي
والحق كان مطمعي والحب كان سيفي
أحمد فؤاد نجم
من عهد ما القرآن هبط
من عهد ما القرآن هبط
نزل هنا عمرو وربط
بيننا وبينكم يا قبط
عهود وداد متسجلة
قرآن محمد قال لنا
عيسى المسيح روح ربنا
والست مريم ستنا
تنزل في أكبر منزلة
أحمد فؤاد نجم
نشيد الكروان
دار الفلك .. في مغزلك
طول السنين ما أمهلك
يا ماسك الروح في الحياة
الحب لك و الخلد لك
أنت الازل و انت الابد
و الهالك اللي يجهلك
يا شعب يا روح الخلود
الملك لك و الخلد لك
أحمد فؤاد نجم
نويت أصلي
نويت أصلي … نويت أصلي …
نويت أصلي صرصور دخل لي
هرش لي مخي قعدت أفلي ( أي وقفت حائرا أقلب الأفكار ، أفلي من التفلية أي البحث عن القمل بالرأس)
خربوش خرابش … صرصور مهابش ( صرصور شقي ذو هبش وخربشة)
وفضلت أهابش ما حد دلي ( ظللت أكافح وأحاول دون أن يدلني أحد)
حليت رباطي من تحت باطي 0 الباط هو الإبط)
لا قدرت أطاطي ولا طلت أعلي ( لم أقدر على الوقوف أو الانحناء)
حيران يا حالي سهران ليالي
أحمد فؤاد نجم
نيكسون جاء
أب ت ث جح
ألف باء
جونسون روح
نيكسون جاء
قولوا هأوأو
أو قولوا هاء
على صحافتنا
الغير غراء
ذات صباح
يا فتاح
بالجرانين على ريق النوم
أحمد فؤاد نجم
هما مين واحنا مين
هما مين واحنا مين
هما الامر والسلاطين
هما المال والحكم معاهم
واحنا الفقرا المحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
أحمد فؤاد نجم
هنا شقلبان
هنا شقلبان
محطة اذاعة حلاوة زمان
من القاهرة ومن كردفان
وسائر بلاد العرب واليابان
ومن فنزويلا أيضا ايران
ومن اى دار
أو بلد مستباحه
بفعل السياحه مع الأمريكان
هنا شقلبان
محطة اذاعة حلاوة زمان