ابن عروس
سكت الهَوى والناموس طار
سكت الهَوى والناموس طار
والسبع طاطى بعينه
خليه دا النومِ أستار
لما الكلب ياخد يومينه
ابن عروس
شوف الزمان انتهت عَدَليه
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
ابن عروس
صابونة العدو ما ترغيش
صابونة العدو ما ترغيش
وان رغت ياللا السلامه
إن قعدت فى مطرح ما ترغيش
حتى تقوم بالسلامه
ابن عروس
صلاة النبي بتزيدني شوق
صلاة النبي بتزيدني شوق
وتمنع البلا والمراضي
قال له الإله: اندفن فوق
قال: أمِّتي في الأراضي
ابن عروس
صلاة النبي تغني عن القوت
صلاة النبي تغني عن القوت
وتمنع البلا والمراضي
يستاهل علقته بالسوط
اللى معاه كفو الزيارة ما راضي
ابن عروس
طبيب الجرايح قوم اِلحق
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
ابن عروس
غربي بلدنا بلد سيح
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها “الوِرانا”؟
ابن عروس
فَرَطت قِلعِي ما جانيش ريح
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
ابن عروس
فى البحر لم فتكم
فى البحر لم فتكم فى البر فتونى
وبالتبر لم بعتكم بالتبن بعتونى
انا كنت وردة البستان
انتوا لية قطفتونى
ابن عروس
فيهم كما هـمة البين
فيهم كما هـمة البين
والبعل مسكين قناها
وفيهـم الدابـة والتنين
ورطه على اللى اشتراها