احمد فؤاد نجم
حلاويلا يا حلاويلا .. يا خسارة يا حول الله
ده الثوري النوري الكلمنجي .. هلاب الدين الشفطنجي
قاعد في الصف الاكلنجي … شكلاطة و كاراميلا ..
يتمركس بعض الايام … يتمسلم بعض الايام
و يصاحب كل الحكام .. و بسطعشر ملة ..
حلاويلا يا حلاويلا .. يا خسارة يا حول الله
يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..
احمد فؤاد نجم
يا خالقنا وعالم بلاوينا
يا رازقنا
وحاسب خطاوينا
نسأل فضلك
من إحسانك
احمد فؤاد نجم
دلي الشكارة جنب الشكارة
و اقعد يا حفني ولعلك سيجارة
فكّـر شوية .. بالعيشة دية
إيه القضية إيه العبارة
من صغر سني
شقيان لكني
ما لط سني غير البصارة
احمد فؤاد نجم
دور يا كلام على كيفك دور
خلي بلدنا تعوم في النور
وارمي الكلمة في بطن الضلمة
تحبل سلمة وتولد نور
يكشف عيبنا ويعيبنا
احمد فؤاد نجم
السكه مفروشه تيجان الفل والنرجس والقبه صهوة فرس عليها الخضر بيبرجس
احمد فؤاد نجم
يا اماني يا شجره ف بستاني
بتفرع يا ما وتعلو
وبيستناها الفكهاني
ولا تطرح غيركلمه لو
لوأغمض وافتح تانى
الاقينى طاير فى الجو
والشمس عروسه مقابلانى
بالطرحه الدهبي وبالضو
لاخطف طرحتها وفرحتها
وانزل فى اللحظه وفى التو
ابدر انورها واشواقي