بديع خيرى
احسن جيوش فى الامم
أحسن جيوش فى الأمم جيوشنا وقت الشدايد تعال شوفنا
ساعة مانلمح جيش الأعادي نهجم ولا اى شئ يحوشنا
مستقبل الامة بين إيديكم فى الوقت ده نعتمد عليكم
ردوا آدي الشعب بيناديكم بيقول لكم احفظوا شرفنا
بديع خيرى
استعجبوا يافنديه
استعجبـوا يافنديه
لتر الجاز بروبيه
وبقاله اليوم شنه ورنه
واللي بيبيعه له كلمة
ياما ناموا كتير ناس فى الضلمه
وصبح أغلى م الكولونيه
وتمن اللتر يساوي صفيحه
بديع خيرى
اقرأ ياشيخ قفاعه
اقرأ ياشيخ قفاعة تلغراف اخر ساعة
اللى فى جورنال البورص ..
وأنا أبقى أحلق ذقني إن ماكنتش ترقص
ترقص ترقص ترقص
الصبح صبح قلسطة والعيشة هتبقى قشطة
ياقساتذة قولم هش
ياقساتذة قولوا براوة دي الحرب خلاص فينيش
فينيشٌن فينيشٌن فينيشٌن
بعد أكل التسقية والسلطة والطعمية
اللى بتهد الحيل
نرقع لنا اقتين ثلاثة سمن بلحم الخيل نرقع
نرقع نرقع نرقع
بديع خيرى
التحفجيه
ياما شاء الله ع التحفجية اهل اللطافة والمفهومية
اجعلها ليلة مملكة ياكريم
دا الكيف مزاجه إذا تسلطن اخوك ساعتها يحن شو شو شوقا
الى حشيش بيتي نيتي نيشي اسأل مجرب زي حالاتي
حشاش إرا إراري يسفخ يوماتي
خمسين جرايه ستين سبعين
هأ هأ هأ يامرحب
صدق وآمن بالذي خلقها وقال كوني جوزة لكل من يدوقها
مايسلا أنفاسها بملايين
بديع خيرى
الجرسونات
اهي شغلتنا كده يافندية نفضل نحزق بالصفة ديه
نهاتي واللي نقوله نعيده كاننا بنقرا فى عدية
دا الجرسون منا يا بيه وحياتك له الجنة
يامابنقاسي فى خوته ودوشة ومرمطة ياخوانا
نفضل شايلين صواني وماشيين زي المكوك رايحين جايين
بديع خيرى
الجرسونات
هز الهلال ياسيد … كراماتك لاجل نعيد
يكفي اللى حصل …. كام يوم ووصل … بقى زرع بصل
هديت واهو راق الحال… ورجعنا للأشغال
دا الموظف منا …. مش وش خناق ولاشومه
لما يحمر عينه والا …. يقوم له قومه
حد الله مابيني وبينك غير حب الوطن ياحكومة
هز الهلال ياسيد كراماتك لاجل نعيد
بديع خيرى
الحلوه دى
الحلوة دى قامت تعجن فى البدرية
والديك بيدن كوكو كوكو فى الفجـرية
يلا بنا على باب الله يا صـنايعية
يجعل صباحك صباح الخير ياسطى عطيـة
صبح الصبح فتاح يا عليم
والجيـب مافهشى ولا مليم
مين فى اليومين دول شاف تلطيـم
زى الصـنايعية المظاليـم
بديع خيرى
السياس
اوعى يمينك اوعى شمالك اوعى الأزمة توقف حالك
اوعى وشك اوعى ضهرك اوعى فوقك اوعى تحتك
اوعى الكوكايين يلحس مخك اوعى سبق الخيل لايطسك
يمينك شمالك اوعى
ياللي ماشيه خطوه خطوه طالعه فيها عامله حلوه
غطي إيدك غطي رجلك غطي وشك غطي صدرك
إوعي تترقصي ف السكه إوعي تقولي لي الا فرانكه
إوعي تتغمزي بعينيكي والناس ملمومين حواليكي
الراجل لو بصبص ليكي إيه ذنبه دا الحق عليكي
بديع خيرى
القلل القناوى
مليحة قوى القلل القناوى
رخيصة قوى القلل القناوى
قرب حدانا وخد قلتين
خسارة قرشك وحياة ولادك
ع اللى ماهواش من طين بلادك
ده ابن بلدك ما يبلفكشى
ما تعدموشى ولا يعدمكشى
دمك من دمه ما يفرقكوا شى
الدنيا مالها يا زعبلاوى
بديع خيرى
الكوكايين
اشمعنى يا نخ
الكوكايين كخ
دا أكل المخ
هلكنا اعمله على غيرنا
رايح لي تطخ
وجاي تبخ
شطب
هو أنت شريكنا حتى فى مناخيرنا
أيش عرفك انت يادونكي
المدعوقة دي بخنفتها