بديع خيرى
شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
ماتيالله بينا انت وياه
ونستعين ع الشقا بالله
واهو اللى فيه القسمه طلناه واللى مايجيش ان شا لله ما جاء
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
بديع خيرى
انس الهموم أنسك يدوم اللى يلوم يفضل يعاني
المال دا إيه فى الدنيا ليه تسأل عليه دا كله فاني
ضم الكروم له عندي يوم من بدري أقوم أشبع اغاني
انس الهموم أنسك يدوم اللى يلوم يفضل يعاني
لون العنب زي الدهب خلاني أحب الواد فلاني
بديع خيرى
ع الستات ياسلام سلم مفيش كده ابدا بهجة
ده احنا الوارثين يافندم ضاربين الدنيا طبنجة
ياحبيبتي دي ثروتي طارت ايه اللى جرالي معرفشي
ودي ساعة الحظ إن راحت ابدا ماتتعوضشي
كل الأطيان لو راحت فى نظرة مانستخسرش
نعرف جغرافيا ونحوي وحساب وحاجات تراللي
بديع خيرى
عشان مانعلا ونعلا ونعلا لازم نطاطي نطاطي نطاطي
عشان مانعلا ونعلا ونعلا لازم نطاطي نطاطي نطاطي
بسلامته الوالي أبوزعيزع مهجص باشا دقن تعيتع
أفيونته تمللي قال إيه نترصص دايما حواليه
نروح واقفين زنهار زي القط والفار
نلقاه دايما منفوخ نفشر له طاخ طيخ طوخ
الرك على حبة بولوتيكه وذمة كاوتشوك خربانه
مادام الامير ملته أنتيكه لازم الرعية تكون وحلانة
بديع خيرى
عليك صلاة الله وسلامه .. شفاعة يا جد الحسنين
ده محملك رجعت أيامه .. هنية واتمليت به العين
كرامة لله يا قاصد مكة ونيتك بالكعبة تطوف
تبوسلي فيها تراب السكة أمانة من مؤمن ملهوف
سالت دموعه وطال دعاه .. في يوم خشوعه ينول مناه
دي قبلتك يا نبي قدامه .. عليك صلاة الله وسلامه
بديع خيرى
قوم يا مصرى مصر دايما بتناديك
خد بنصرى نصرى دين واجب عليك
يوم ما سعدى راح هدر قدام عينيك
عد لى مجدى اللى ضيعته بأيديك
شوف جدودك فى قبورهم ليل نهار
من جمودك كل عضمة بتستجار
صون أثارك ياللى دنست الاثار