بيرم التونسي
توت عنخ امون
من عهد ما كتفوك في القبر يا فرعون
داست بلادك مِلل من كل شكل ولون
وخلصوا منا تار موسى وتار هارون
وبعد جور الزمن واللي جرى فينا
ظهرت لما بقى لك في المنامة قرون
بيرم التونسي
من عهد ما كتفوك في القبر يا فرعون
داست بلادك مِلل من كل شكل ولون
وخلصوا منا تار موسى وتار هارون
وبعد جور الزمن واللي جرى فينا
ظهرت لما بقى لك في المنامة قرون
بيرم التونسي
جالنا ضيف بارد وساقع وابن جزمة
نام ومزع في القماش والوقت ازمة
والضيافة بالكتير ما تكونشي لازيمة
غير ثلاث أيام ودي بالتلتمية
طقة الضيف في الفطور ميت ألف بيضة
غير متين طور كل طور غندور وموضة
بعت عفشي وبعت ملكي وبعت بابي
والطاحونة والحمار والبطانية
اسأل البنك العقاري وبنك رومه
تعرف المبلغ وشيكات العزومة
والتلم مش طالع إلا بالحكومة
إن كانت تنفع وبالقدرة القوية
قلت أنا في عرضك يا أبو العباس يا مرسي
زحلق البلوة وحق الزيت عليه
بيرم التونسي
“جــدع معـلـم قــــــــــال لخـالـتـك ام هــــــــلال
شوفي لنـا بنـت حـــلال تكـون لطيفـة و عــــــال
بنـات كتيـر حلــــــــويـن عنـد اهلهـم قاعـديـن
ما بين طبيـخ و عجــــيـن و بخـتـهـم بـطــــــــــال
عايزهـا لحـم فصـــــــوص مش عود قصب ممصوص
و محربقـه بعصعــــــوص و عامله روحهـا غـزال
عايـز قــــــــــــــوام يتـهـز إن دزيـتـــــــيـه يـنــدز
و ف كـــــــل مفصـل حـز يـفـكـرك بــهـــــــــلال
بيرم التونسي
حاتجن ياريت ياخوانا
مارحتش لندن ولا باريز
دى بلاد تمدين
ونضافه وزوق ولطافه
وحاجه تغيظ
مالاقيتش جدع متعافى
وحافى
وماشى يقشر خص
ولا شحط مشمرخ افندى
معاه عود خلفه
بيرم التونسي
حايفوت أغسطس وسبتمبر وجــاى خريف
يقصف فــــــــــروع الشجر ، لما يهب عنيف
والكون يلفه الظلام ، والريح صفيرها مخيف
وأنتم يا أطفال حيارى من رصيف لرصيف .
والشمس تطلع عليكم بالدفـــــا والنور
وتدوروا متفرقين زى القضا ما يـــــــــدور
أو تمسوا متربطين آخر النهار فى طابور
تجره كبشة عساكر بالحبــــــــال الليف
بيرم التونسي
حبيبي يسعد أوقاته ع الجمال سلطان فى نظرته وابتساماته فرحة فرحتك يا زمان