بيرم التونسي

“يارب سلطان جمالك يتعبد للــذات

خالص لوجـهك لا للـنيران ولا الجنات

لكن عبيـدك و خلـقك يعبدوك لغايات

صبحوا ونا عبد منهم كلهم ترسات

بيرم التونسي

شمس الاصيل دهبّت خوص النخيل يا نيل تحفة ومتصورة فى صفحتك يا جميل

بيرم التونسي

غنّي لي شويه شويه غنّي لي وخذ عينيّ خليني أقول ألحان تتمايل لها السامعين

بيرم التونسي

قريت و مليت كفايه

خوف السقوط و البطاله

و كل ما ازداد قرايه

بالدنيا أزداد جهاله

يا طالب العلم تنداس

لو يبقى علمك بضاعه

تنفع و تستنفع الناس

لو كنت صاحب صناعه

بيرم التونسي

ليه امشى حافى ،وانا منبت مراكيبكم

ليه فرشى عريان،وانا منجّد مراتبكم

ليه بيتى خربان ،وانا نجّار دواليبكم

هى كده قسمتى؟

الله يحاسبكم!

ساكنين علالى العتب،وانا اللى بانيها

فارشين مفارش قصب،ناسج حواشيها

قانيين سواقى دهب،ونا اللى ادور فيها

يارب ماهوش حسد

لكن بعاتبكم

بيرم التونسي

م المستحيل إنت تخدع أي طفل صغير

و تلف عقله و تعطيه القليل بكتير

لكن بأهون طريقه تخدع الجماهير

لو كنت أغبى غبي تجري وراك و تسير

من غير ما يسأل عن الأسباب والتفاصيل