صلاح جاهين

جايه عـروس الشـعر م البـغـالة بمـلايـة لـف وكـف مـتـحـنـى شـافت صـوان وحبـال وناس شغالة

صلاح جاهين

ساعات أقوم الصبح قلبى حزين

أطل بره الباب ياخدنى الحنين

اللى لقيته ضاع

واللى اشتريته انباع

واللى قابلته راح وفات الأنين

وارجع واقول

لسه الطيور بتفنّ

والنحلايات بتطنّ

والطفل ضحكه يرنّ

مع ان مش كل البشر فرحانين

صلاح جاهين

ياللي تحب الفن وغاوي

خد تذكرتك وادخل شوف

فرقة عزت الالاتى

استاذ الفن المعروف

على كيفك روايات تراجيديا

تخرج تعصر فى المناديل

وتاريخي وعصري وكوميديا

ومواعظ مالهمش مثيل