فؤاد حداد
أحلف بنون
يا اهل الأمانة والندى والشوق
يا مجمّعين الشمل في الحضره الزكيّه
أول ما نبدي القول نصلي على النبي
سيّد ولد عدنان رسول الله
فؤاد حداد
يا اهل الأمانة والندى والشوق
يا مجمّعين الشمل في الحضره الزكيّه
أول ما نبدي القول نصلي على النبي
سيّد ولد عدنان رسول الله
فؤاد حداد
اصحى يا نايم وحد الدايم
وقول نويت بكره ان حييت
الشهر صايم والفجر قايم
اصحى يا نايم وحد الرزاق
رمضان كريم
مسحراتي ومعدي
منقراتي ومين قدي
الطبلة عاليه في احضاني
زي البيان زي النشره
فؤاد حداد
فجأه لقينا الليلْ بيشتي نهارْ
والأرض بلبلْ والسما فرجه
وانْ كان ما حدش سامعه بيغني
بين المراوح وقفت العربْيَّه
الضى شعشع والشجر سلويت
أنا وحبيبتي في قميص باكمام
عينيها ترعش من جمالْ المنظرْ
بلعت ريقي ييجي ميت مرهّ
وكل مرهّ ينقطع صوتِي
بذلت مجهودْ الجبابره وأخيرًا
قلت لها خليكي هنا ويًايا
حتروحي فينْ ويّا الهوى ويّاه
فؤاد حداد
حي على بلدنا
يا مجاور ألف ماده
و رزقك بالحلال
البنا فى العلالي
و السقا اللى ملالي
من النيل الزلال
بيقولوا الحق طامع
فى كل فجر طالع
لما يشد الحبال
تنشد معاه ولادنا
حي على بلادنا
فؤاد حداد
ولا كل مين
فى الظلمة شقّر
طبل ونقّر
يعرف يسحّر
يا مسلمين
ولا كل مين
عاش في الحديقة
وقال فيه حريقة
على الحقيقة
أصبح أمين
ولا كل مين
حَطّ اللاوندي
ع القلقشندي
ينفع أفندي
في الفلاحين
فؤاد حداد
الليله يا سمرا
البنت قالت فستاني
منشور على الشط التاني
خدني المراكبى و عدّني
و رجعت فى القَمَرَه
الليله يا سمره يا سماره
الليله يا سمره
الليل يصَبَّح و يمَسي
و تفكرينى و تنََسِّي
وافطم على ريقك نَفْسي
واتوب من الخمره