مصطفي إبراهيم
إنى رأيت اليوم
إنى رأيت اليوم…الصورة من برة
و قلت الحسين لسة ….حيموت كمان مرة
إنى رأيت اليوم ….فيما يرى الثائر
ان الحسين ملموم …فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
مصطفي إبراهيم
البنكوت
هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
مصطفي إبراهيم
المانيفستو
————-(م)————–
ماسبيرو أخطر م الرصاص و القصر
ملّى عنيك بالدم…قبل الطلوع قدام
ما تسيبش جيشك تِقسمه الأعلام
مش كل مين جنبك….جواه بيهتف مصر
مصطفي إبراهيم
برواز الدنيا
الصورة قصادك ممدودة…
و مش محدودة…
بالطول و العرض…
و البرواز ضلعه الفوقاني…
ف السما….
و التاني مساوي الأرض…
و بما إنك حيلتك بس عينين…
ف قصادك حل من الإتنين…
يا تقرّب جامد م الصورة…
و تاخدلك كادر تركز فيه…
و تعيش حكاويه…
و ساعتها مفيش..
و لا كادر يعيش…
مصطفي إبراهيم
بندعيلكو
يا شايلينكوا على الاكتاف
بننعى دمكم بهتاف
و ندعيلكوا
غموس الناس و عيشها الحاف
مصطفي إبراهيم
بني هذا الوطن
بني هذا الوطن و بنوه
ما عاد متبّقى شىء تبكوه
إذا كان الميزان مقلوب
ف يبقى العرض حقه الدم
و لو منفعشى حدف الطوب
ف تبقى البندقية أهم
مصطفي إبراهيم
تايه فى الزحام
مين فينا عارفك يارب ومين فينا لأ ..
مين اللى فينا لو قال باحبك قالها بحق ..
واحد بدقن بيقول حلال ويقول حرام ..
ولا فواعلى أرزقى شادد الحزام ..
ولا خمورجى استسمحك قبل اما نام ..
مصطفي إبراهيم
تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
مصطفي إبراهيم
تفرانيل 50
أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
مصطفي إبراهيم
حصر مصر
بعد طرحك مالحساب والعساكر والكلاب
والارانب والفيران
والاجانب والغيلان
والارايل والقرون
والمرايل والدقون
اللي فاضل يا افاضل
هو ده تعداد وحصر